Hefurðu átt Tarotspil um nokkurt skeið, í jafnvel mörg ár, en ekki fundið farveg til að vinna markvisst með spilin?

Áttu Tarotspil og langar til að bæta við þekkingu þína og fá e.t.v. nýtt sjónarhorn á hvernig þú getur unnið með spilin?

Ertu að íhuga að kaupa þér fyrstu Tarotspilin og afla þér fræðslu, kunnáttu og þekkingar á hvernig hægt er að lesa úr spilunum og vinna með þau?

Ef svarið er JÁ, þá ertu á réttum stað!


Vefurinn www.tarot.is býður áhugasömum uppá hagnýt Tarotnámskeið í fjarnámi/bréfaskóla. Þú lærir hvar og hvenær sem er og á þeim hraða sem hæfir þér. Námskeiðin gagnast bæði byrjendum og þeim sem hafa átt Tarotspil í nokkurn tíma. Nemandi getur valið hvort hann fær námsefnið sent með venjulegum bréfapósti eða tölvupósti (format: Word og tölvupóstur).
Til að skrá sig á námskeið geturðu notað pöntunarform námskeiðs eða einfaldlega sent leiðbeinanda tölvupóst til tarot@tarot.is (ef t.d. pöntunarformið virkar ekki í tölvunni þinni).

Tarotnámskeið - Hluti I:
Samanstendur af 23 mismunandi löngum lexíum ásamt verkefnum. Sjá nánar um meginmarkmið hér fyrir neðan. Nemandi sem skráir sig í Hluta I, er í sjálfsvald sett hvort hann tekur Hluta II og III. Sá sem óskar eftir að taka Hluta II eftir að hafa lokið Hluta I, getur skráð sig í þann hluta strax á eftir eða síðar eftir hentugleikum. Enda er hægt að byrja hvert námskeið hvenær sem er. Verð fyrir Hluta I er kr. 5.500.- (m/vsk). Fyrstu tvær Lexíurnar eru sendar nemanda án skuldbindinga. Nemandi fær sendar 23 lexíur á meðan á námskeiði stendur + ítarefni. Að auki fær nemandi sent til sín Lykilorð Tarotspilanna (meginmerking yfir Trompin, Hirðspilin og Lágspilin).

Tarotnámskeið - Hluti II Samanstendur af 28 mismunandi löngum lexíum ásamt verkefnum. Sjá nánar um meginmarkmið hér fyrir neðan. Forkröfur: Hluti I. Verð fyrir Hluta II er kr. 5.000.- (m/vsk). Fyrstu tvær Lexíurnar eru sendar nemanda án skuldbindinga.


Tarotnámskeið - Hluti III Samanstendur af 28 mismunandi löngum lexíum auk verkefna. Sjá nánar um meginmarkmið hér fyrir neðan. Forkröfur: Hluti I og II. Verð fyrir Hluta III er kr. 4.700.- (m/vsk). Fyrstu tvær Lexíurnar eru sendar nemanda án skuldbindinga.

Námsfyrirkomulag

Námshraði: Nemandi getur ráðið hversu hratt hann/hún fer í gegnum námsefnið í hverjum hluta fyrir sig. Hægt er að breyta námshraða á meðan á námstíma stendur og einnig breyta sendingarmáta, t.d. fengið sent með bréfapósti ef talvan bilar.

Stuðningur: Nemandi getur alltaf sett sig í samband við leiðbeinanda með tölvupósti eða í síma til að fá þá aðstoð sem þarf.

Verkefni: í öllum Hlutum er gert ráð fyrir a.m.k. 2-3 stuttum heimaverkefnum, sem nemandi er beðinn að vinna og skila til leiðbeinanda. Ekki er skylda að senda inn unnin verkefni, en æskilegt. Nemandi þarf ekki að þreyta próf, en býðst að vinna lokaverkefni eftir að hafa lokið Hluta I, II og III. Nemendur fá sem hluta af námsefni nokkur lokaverkefni. Þannig geta nemendur fengið að sjá hvað aðrir eru að gera, og þannig að allir geti lært af öllum.

Aukaefni - Bónus Nemandi fær stundum sent aukaefni, t.d. fræðslu eða Tarotlagnir sem eru tengdar sérstökum árstíðum og/eða atburðum.

Hægferð: Nemandi fær kennsluefni sent vikulega (ein lexía á viku). Þetta fyrirkomulag hefur verið í boði á námskeiðinu frá upphafi og hentar mjög mörgum. Námstími er ca. 6 mánuðir í Hluta I og 7 mánuðir í Hluta II og III.

Miðferð: Nemandi fær kennsluefni sent tvisvar í viku (tvær lexíur á viku). Þetta hentar þeim nemanda sem hefur góðan tíma til að vinna með spilin og æfa sig í viku hverri. Námstími í Hluta I er 3 mánuðir, og 3,5 mánuðir í Hluta II og III.

Hraðferð: Nemandi fær kennsluefni sent þrisvar í viku (þrjár lexíur á viku). Þetta hentar þeim nemanda sem hefur nægan tíma aflögu, er skipulagður og sem ætlar sér að sökkva sér niður í Tarotið. Námstími í Hluta I er 2 mánuðir og í Hluta II eða III er 2,5 mánuðir.


Helstu markmið Hluta I - Tarotnámskeiðs:
- að nemandi kynnist grunnhugmyndum Tarotspilanna.
- að nemandi læri á grunntákn (launhelgar) spilanna: Vendir,    Bikar, Sverð, Diskar/Skildingar
- að nemandi læri um Trompin 22.
- að nemandi læri að nota allt frá einu spili til flóknari    Tarotlagna.
- að nemandi kynnist áhugaverðum hugmyndum um kaup á    fyrstu Tarotspilunum, um hvernig hægt er að stokka spilin og    hvernig hægt er að meðhöndla spilin.


Helstu markmið Hluta II - Tarotnámskeiðs:
- að nemandi læri um Tarotspilin Vendi og Bikara.
- að nemandi læri um grunnhugmyndir að baki Vandarins og    Bikarsins.
- að nemandi læri aðferðir við að skoða og lesa Hirðspilin.
- að nemandi kynnist hagnýtum Tarotlögnum sem tengjast    ýmsum málefnum, svo sem ástarmálum, atvinnu, trausti,    flutningi ofl.
- að nemandi læri að nýta sér Tákn Lita við Tarotlestur.

Helstu markmið Hluta III - Tarotnámskeiðs:
- að nemandi læri um Tarotspilin Sverð og Diska.
- að nemandi fái betri innsýn í Hirðspilin.
- að nemandi læri að tileikna sér lagnir tengdar Sverðum og    Diskum.
- að nemandi læri að notfæra sér frumefnin/elementin við lestur    á tarotspilunum.
- að nemandi kynnist hugmyndum um mannleg samskipti í    Tarotlestri.

Smelltu á krækjuna hér fyrir neðan til að skrá þig á námskeið, eða lestu meira um Tarotnámskeiðin.