Tarotnámskeið www.tarot.is hóf göngu sína í september 2000. Kveikjan að þessu námskeiði var símtal til mín frá konu á Blönduósi í ágúst 2000, sem var að spyrjast fyrir um Tarot-bréfaskóla. Sagði ég henni að ég vissi ekki af slíku, en ég ætti mikið af efni um Tarot og gæti ég e.t.v. sent henni eitthvað.

Þetta Tarotnámskeið er afraksturinn. Efnið sem ég er með er allt á ensku og Blönduóskonan les ekki enskuna. Tók ég því það ráð að semja námsefni fyrir fjarnámskeið/bréfaskóla þannig að fleiri gætu notið góðs af því efni sem væri þýtt yfir á íslenskt mál. Lítið hefur verið til af kennslu- og fræðsluefni um Tarot á íslensku og er fólk er ánægt með að geta nálgast svona fræðsluefni á móðurmalinu. Nemendur sem hafa sótt þessa Tarotfræðslu er fólk á öllum aldri, hringinn í kringum landið og finnst námskeiðið yfirleitt áhugavert og skemmtilegt.