TAROTPÓSTURINN NR. 10 - September 2003

"Ef þú treystir of mikið, gætirðu verið svikinn, en þú munt lifa í fjötrum ef þú treystir ekki nógu mikið."
-- Frank Crane

Drottning í Sverðum og 14. stigið.
Í minningu Önnu Lindh, utanríkisráðherra Svíþjóðar.

Drottning í Sverðum er tákn um einstakling, karl eða konu, sem hefur náð tiltölulega langt á sínu sviði. Æðsta markmiðið er að sjálfsögðu Kóngur í Sverðum. Kóngurinn er Tarotspil 14 í flokki Sverðanna í Tarot.

Leiðtoginn, lögfræðingurinn og utanríkisráðherrann, hin sænska Anna Lindh er fallin frá, eftir hræðilega árás hnífstungumanns í kvenfataverslun í Stokkhólmi. Eiginkona og móðir er einnig fallin frá. Maður er harmi sleginn yfir þessu tilgangslausa og ótímabæra dauðsfalli. Okkur verður sérstaklega hugsað til eiginmanns hennar og sona, sem eiga hvað um sárast að binda núna.

Ég tengi Lindh strax við Sverð Drottninguna sem er táknið um þann einstakling, eða leiðtoga, sem virkilega beitir sér fyrir hlutunum. Lindh var m.a. umhugað um öryggismál í Evrópu. Sverð Drottningin í Tarot "leggur áherslu á heiðarleika og lífsregla hennar er að vera trúverðug. Lygar og ýmis vélabrögð eiga ekki uppá pallborðið hjá henni, en það er ekki auðvelt að hafa hana að fífli.


Sverð Drottningin í
Rider-Waite Tarotstokknum.

Atvinnutengingin við Sverð Drottninguna er m.a. að einstaklingurinn fær vinnutækifæri sem býður uppá að hann fái að nota flest alla hæfileika sína.

Ef þú skoðar myndina af spilinu hér að ofan, tekurðu eftir armbandi sem drottningin ber á vinstri hendi. Svona band er yfirleitt merki um fjötra í Tarot, en Sverð Drottningin notar 'sverðgáfu' sína til að losa sjálfa sig frá villu, efa og ótta.

Anna Lindh var tilvonandi forsætisráðherraefni Svía, og hefði þannig náð markmiði Sverð Kóngsins, 14. stiginu. Það er kaldhæðnislegt að bera umhyggju fyrir öryggismálum á alþjóðavettvangi, en vera sjálfur óttalaus um eigið öryggi.

Lindh var fædd árið 1957 og átti þess vegna stutt í að ná 50 ára markmiðinu þegar hún lést. Þetta er ekki hár aldur, en heldur ekki ungur aldur. Og þykir ekki hár í stjórnmálum. Í lið 3. hér að neðan fer Dave Barry nánast á kostum varðandi 13 atriði sem tók hann 50 ár að læra.

Eitt þeirra er að "þú ættir ekki að blanda starfsframa þínum við þitt persónulega líf." Þetta er einmitt það sem Anna Lindh var að gera, þegar ráðist var á hana. Hún var í óundirbúnum og óformlegum erindum í verslun. Án öryggisvarða. Og telur sænska öryggislögreglan það vera mistök. En í stjórnmálum er oft mjög erfitt að gera greinarmun á stjórnmálamanninum og einstaklingnum, sem þarf að sinna sínum daglegu þörfum.

Í þessu sambandi vil ég bæta 14. liðnum við listann hans Dave, þ.e.
'Þú getur aldrei verið of öruggur um sjálfan þig.'

YrsaBjörg www.tarot.is

P.S. Og sérstaklega ef þú ert stjórnmálamaður.

---

Hlutir sem tók mig 50 ár að læra!
Höfundur: Dave Barry

1. Aldrei taka inn svefnpillu og laxerandi á sama tíma.

2. Ef ég ætti að skilgreina, með einu orði, ástæðuna fyrir því að mannkynið hefur aldrei náð, og mun aldrei ná, fullkomnum markmiðum, þá væri það orðið "fundir."

3. Það er mjög fínn þráður milli "áhugamála" og "geðveiki."

4. Fólk sem vill deila trúarlegum skoðunum sínum með þér, hefur yfirleitt ekki áhuga á að þú deilir þínum skoðunum með þeim.

5. Þú ættir ekki að blanda starfsframa þínum við þitt persónulega líf.

6. Alveg sama hvað gerist, það er alltaf einhver þarna úti sem tekur það of alvarlega.

7. Þegar vandamál koma upp og horfurnar eru slæmar, er alltaf einhver einstaklingur þarna úti sem sér lausn á málum og er tilbúinn að vera forystusauður við að leysa þau. Þessi einstaklingur er oft bilaður.

8. Öllum er nákvæmlega sama þótt þú dansir illa. Stattu bara upp og dansaðu.

9. Einstaklingur sem kemur kurteislega fram við þig, en er dónalegur við þjóninn, er ekki kurteis einstaklingur.

10. Njóttu ávaxtanna áður en þú borðar vínberið.

11. Það er einn hlutur sem mannkynið á sameiginlegt, burtséð frá aldri, kyni, trúarskoðunum, menningarsamfélagi eða fjárhagslegri stöðu, en það er að ALLIR halda að þeir séu góðir ökumenn.

12. Þú skalt aldrei segja neitt við kvenmann sem á nokkurn hátt ýjar að því að hún sé ólétt, nema að þú sjáir raunverulegt barn vera að koma í ljós hjá henni, hér og nú.

13. Vinum þínum finnst nú vænt um þig, þrátt fyrir allt.

YrsaBjörg, spá- og leiðsagnarmiðill www.tarot.is